News@🚨 Recruitment... Chandrapur : राज्याचे माजी वने,सांस्कृतिक कार्य व मत्स्य व्यवसाय मंत्री आ.सुधीर(भाऊ)मुनगंटीवार यांनी चंद्रपूर येथे सुरू असलेल्या पोलीस भरती प्रक्रियेत 100 मीटर धावण्याच्या परीक्षे दरम्यान वापरल्या जाणाऱ्या सेन्सर मध्ये तांत्रिक बिघाड असल्याच्या तक्रारींची लगेच दाखल घेत पोलीस अधीक्षक,यांना पत्र लिहून लक्ष वेधले.या धावण्याच्या परीक्षेत वापरलेल्या सेन्सर मध्ये तांत्रिक अडचणी असल्याने अनेक सक्षम व सुदृढ उमेदवारांना 15 पैकी केवळ 4,6 किंवा 8 असे अत्यल्प गुण मिळत असल्याचे आ.सुधीर भाऊंनी निदर्शनास आणून दिले. पोलीस अधीक्षकांनी याची तात्काळ तपासणी करावी अशा सूचना भाऊंनी दिल्या आहेत.
याशिवाय धावण्याच्या प्रारंभबिंदूवर सेन्सर बसविण्यात आलेला नसल्याचीही माहिती उमेदवारांकडून मिळत आहे.त्यामुळे वेळ मोजण्यात अचूक मोजमाप होत नसून उमेदवारांमध्ये संभ्रम व नाराजीचे वातावरण तयार झाले आहे.इतर जिल्ह्यांमध्ये पोलीस भरतीदरम्यान उमेदवारांना 15 पैकी 13 ते 15 गुण मिळत असल्याचे दिसून येत असताना,चंद्रपूरात तुलनेने अत्यल्प गुण मिळत असल्याने स्थानिक उमेदवारांमध्ये असंतोष वाढत असल्याचे आ.सुधीरभाऊंनी पत्रात नमूद केले आहे.
या पार्श्वभूमीवर सदर प्रकरणाची तातडीने निष्पक्ष तपासणी करून धावण्याच्या परीक्षेत वापरला जाणारा सेन्सर तपासावा, आवश्यक असल्यास बदलावा तसेच प्रारंभ बिंदूवरही सेन्सर बसवून धावण्याचे अचूक मोजमाप सुनिश्चित करावे,अशी मागणी त्यांनी केली आहे.विद्यार्थ्यांच्या भवितव्याशी निगडित हा अत्यंत संवेदनशील विषय असून कोणत्याही उमेदवारावर अन्याय होणार नाही,याची प्रशासनाने विशेष काळजी घ्यावी,असेही भाऊंनी पत्रात अधोरेखित केले आहे. 
'उमेदवारांनी मानले भाऊंचे आभार'
आ.सुधीर मुनगंटीवार यांच्या सूचनेनुसार त्यांचे स्वीय सहाय्यक सतीश जोशी,लक्ष्मण शेंडे यांनी पोलीस अधीक्षक कार्यालयात निवेदन सादर केले.यावेळी उमेदवारांच्या शिष्टमंडळासोबत आ. सुधीर मुनगंटीवार यांनी दूरध्वनीवर संवाद साधत कोणत्याही उमेदवारावर अन्याय होणार नाही,असे आश्वासन दिले.पोलीस अधीक्षक मूम्मका सुदर्शन,हे नागभीड दौऱ्यावर असल्याने SDPO चौगुले यांनी निवेदन स्वीकारले.तसेच पोलीस अधीक्षकांनीही उमेदवारांच्या प्रतिनिधींशी दुरध्वनीवर चर्चा करून पूर्ण खबरदारी घेण्याचे आश्वासन दिले.हे प्रकरण गांभीर्याने लक्षात घेतल्याबद्दल उमेदवारांनी आ.सुधीर मुनगंटीवार यांचे आभार मानले.
#Chandrapur Police Recruitment. #MLA Sudhir Mungantiwar.
$$$$$$$$$$$$$$$$$$$$$$