News@🐯Attack... Chandrapur : वाघाच्या हल्ल्यात एक व्यक्ती ठार झाल्याची धक्कादायक घटना चिचपल्ली गावातील चेक पिंपळखुट,येथे 1 मे रोजी रात्री 10 च्या सुमारास घडली. दिवाकर बाबुराव जुमनाके 27,असे मृतकाचे नाव आहे. दिवाकर जुमनाके त्यांच्या कुटुंबासह शेतात पूजा करत होते.तेव्हा अचानकपणे ‘मामा’ नावाचा एक कुख्यात नरभक्षक वाघ तिथे आला आणि सर्वांसमोर दिवाकरला उचलून जंगलात घेऊन गेला.सदर घटनेनंतर गावात एकच खळबळ उडाली.दरम्यान गावकर्‍यांनी आवाज करून वाघाला हाकलून लावण्याचा प्रयत्न केला.पण,तोपर्यंत खूप उशीर झाला होता.काही वेळाने,दिवाकरचा मृतदेह शेतापासून काही अंतरावर असलेल्या एका नाल्याजवळ आढळला,जो वाघाने अर्धवट खाल्ला होता.
घटनेची माहिती मिळताच प्रशासनाने तातडीने कारवाई केली आणि तात्काळ मृतदेह शवविच्छेदनासाठी सामान्य रुग्णालय चंद्रपूर येथे पाठवला.या घटनेनंतर ग्रामस्थांमध्ये प्रचंड संताप असून पिंपळखुटचे माजी सरपंच विनोद मेश्राम आणि श्रीकृष्ण जमुनके यांनी मृताच्या कुटुंबाला लवकरात लवकर भरपाई देण्याची मागणी प्रशासनाकडे केली आहे.‘मामा’ या नरभक्षक वाघाला तात्काळ पकडून दुसर्‍या ठिकाणी नेण्याची मागणी यावेळी करण्यात आली. जर प्रशासनाने या संदर्भात तात्काळ कारवाई केली नाही तर,तीव्र आंदोलन छेडले जाईल,ज्याची संपूर्ण जबाबदारी जिल्हा प्रशासनाची असेल,असा इशारा देण्यात आला आहे.
#Tiger Attack...
#One person killed in tiger attack....
----------//----------